劉伯溫妙算天象變化 成功平反冤案？

繼續同史友們介紹一啲有趣嘅歷史故事，大明王朝開國元勛之一嘅劉伯溫，關於佢嘅奇事相信唔少史友都聽過，但唔知大家又有冇聽過關於佢妙算天象變化成功平反冤案呢？今次阿史就同大家講一講啦！

雖然佢係作為明朝開國元勛之一，但由於劉伯溫呢個人唔以功臣自居，所以明太祖朱元璋大封功臣之時，佢亦都冇得到好好嘅官爵。劉伯溫自幼就天資聰穎，博通經史，年紀輕輕就已經考獲進士，擔任地方官之時更加因為清廉正直而得到百姓愛戴。

有一次，朱元璋就發咗一個惡夢，喺夢中佢就夢見自己成身都係泥土而且仲流血不止。朱元璋自己就認為呢個係凶兆，決心要處決大量囚犯應一應呢個凶兆。得知呢個消息後，劉伯溫就嘗試阻止呢件事，佢就向朱元璋解釋，頭上有血就即係「眾」，有泥土就即係得到大量土地，加加埋埋就即係得到疆土同埋人民，所以其實係吉兆先岩。